O MUSEO DAS IDEAS

COMENIUS: WE GO FOR A GREEN WORLD

2011-09-27T08:40:00.000-07:00

Comeza o curso 2011/2012 no que participaremos nun proxecto Comenius, xunto con escolas de
Alemania, Suiza, Reino Unido e o Colexio Alemán de Tenerife.
O tema é o medioambente e o seu cuidado: "We go for Europe.We go for a green world".
En canto teñamos a web do proxecto teredes eiquí un link.
Chamamos a toda a comunidade Froebel a participar nesta aventura.

E benvidos ao Museo un curso máis!!

VISITA INTERNACIONAL

2011-05-11T01:03:00.000-07:00

A semana pasada recibimos a visita dun grupo de profesores de Finlandia, Eslovenia, Turquía e Italia. Participan nun proxecto Comenius co colexio de Verducido e viñeros ver a nosa escola e as aulas Abalar.

PREMIOS EDUCACIÓN VIAL

2011-05-10T09:04:00.000-07:00

Os nenos e nenas de 5º curso acudiron ao Pazo da Cultura para estar na gala das Xornadas de Educación Vial deste curso. Alí aplaudiron ata escachar á súa compañeira Ana Cespón Balboa, que obtivo un premio no concurso de redacción.: unha fermosísima bicicleta que lle foi entregada polo mesmísimo alcalde da cidade.

COS ITALIANOS EN SANTIAGO

2011-03-24T02:47:00.001-07:00

Así de tranquiliños, no interior da catedral, posaron os nenos italianos e os nosos durante a visita a Santiago de Compostela.

BENVENUTI

2011-03-24T02:41:00.000-07:00

Démoslle a benvida aos amigos da Escola Cavour cun acto no patio da escola. Houbo música e baile e ata unha canción en italiano na súa honra.

XOGOS POPULARES NA ALAMEDA

2011-03-24T02:20:00.001-07:00

Os alumnos de 4º participaron na I Xornada dos ENDL do Concello. Durante a mañá do día 21 de Marzo xuntáronse con compañeiros doutros centros na alameda da nosa cidade para compartir xogos populares coma a pentanca, malla, pano, trompo, peletre, etc. http://www.blogoteca.com/nlcampolongo/index.php?cod=95689

ILLA DAS ESCULTURAS-VISITA GUIADA

2010-12-08T09:33:00.000-08:00

O venres día 26 de Novembro os alumnos de 5º visitaron a Illa das Esculturas. Puideron recibir información sobre as instalacións alí presentes e, á volta, fixeron unha valoración da saída.

CHARLA NAVEGACIÓN SEGURA

2010-12-08T09:16:00.000-08:00

O pasado día 1 de Decembro, os alumnos/as de 5º curso recibiron formación sobre a navegación segura na web. Esta conferencia enmárcase dentro do Programa Abalar para o alumnado de este

curso.

MAGOSTO 2010

2010-11-14T08:50:00.000-08:00

O pasado venres día 12 de novembro celebramos o Magosto. Cariñas pintadas de cinza, cucuruchos, xogos e música... e unha boa cesta de castañas!.

O SAMAÍN EN INFANTIL

2010-10-30T04:14:00.000-07:00

Os máis pequenos do Cole celebraron un Samaín moi divertido e amosaron os seus traballos no corredor de entrada do centro. Aí tendes unha pequena mostra.

MÚSICA ANDINA NO PAZO

2010-10-30T04:03:00.001-07:00

Escomenzamos os posts deste curso cunha saída dos nenos/as de 5º curso ao Pazo da Cultura. Alí participaron nunha sesión musical co grupo "Sacapatú", que levounos nunha viaxe pola cordillera dos Andes e as música que dende aló lles traían.

CORRELINGUA 2010

2010-05-11T11:50:00.000-07:00

Os nenos de 3 e 5 anos, xunto cos de 6º de primaria representaron ao colexio nunha nova edición do Correlingua. Mobilizados pola nosa lingua, participaron nunha pequena marcha, cantaron e bailaron un pouco e pasárono moi ben cunha obra de teatro. Houbo tamén malabares e xigantes e dragóns e risas e ledicia dabondo.

AÍ VEN O MAIO

2010-05-04T14:14:00.001-07:00

A coroa e o maio do Colexio, que obtivo o 2º premio de interpretación nunha primaveral mañá de sábado na praza da Ferrería. Congratulations!.

PREMIOS DO DÍA DO LIBRO

2010-04-25T13:56:00.000-07:00

Entrega de premios do concurso de contos celebrado con motivo do Día do Libro. Houbo diplomas para todos os participante e léronse os relatos dos premiados nas distintas categorías.

CAE O TEITO

2010-04-25T13:42:00.000-07:00

Os galos da aldea de Asterix só tiñan medo a que o ceo se desplomara sobre as súa cabezas. Se andiveran polo noso colexio, terían motivos para a desconfianza. Hai uns días, un ruido na segunda planta anunciou a caída de boa parte do teito no corredor que une as aulas de 4ºA e 5ºB. Por sorte, non había por alí ninguén. Agora as autoridades están a falar de arranxar o tellado dunha vez e bla, bla, bla... Non faremos máis comentarios. Esperaremos cos ollos ben abertos.

O GRUPO DE 6º VAI POLO RÍO

2010-04-19T12:05:00.000-07:00

Pois si, os rapaces/zas de 6º participaron o venres 16 dunha mañá fluvial. Tratábase dun percorrido polo río Gafos amenizado polas explicacións de Pablo e Manolo, os dous membros do colectivo "Vaipolorío" que fixeron de guías na visita. Foi unha boa pateada pero pagou a pena comprobar "in situ" a beleza dos noso lares... cando os coidamos como merecen.

II OLIMPIADA CULTURAL

2010-03-23T04:39:00.000-07:00

Estase a celebrar no cole a 2ª edición da Olimpiada Cultural, unha iniciativa da ANPA do centro. Os participantes, en grupos, teñen que responder a cuestións e adiviñas, facer traballos e tarefas. Conséguese poñer en xogo tódolos ambitos da aprendizaxe dun xeito significativo e dinámico. Desta volta hai 18 grupos apuntados.

CATANIA É TERRA MEIGA

2010-03-21T16:12:00.000-07:00

Un ano máis, e van once!, o CEIP FROEBEL recibiu a vista dun grupo de nenos e profes chegados de Catania, Sicilia, Italia. Pronto outro grupo devolveralles a visita. Nesta fotos

podedes ver mesturados a galegos e cataneses diante da catedral de Santiago e enriba

dela, concretamente, nas cubertas.

OS AUTORES FORON TRES

2010-03-08T09:10:00.000-08:00

Un tellado en mal estado, as chuvias e a deixadez das autoridades pintaron esta "paisaxe" na aula de 6º. Alí quedaron, alí están, os tres autores retratados.

EU LEO, TI LES, EL LE ...

2010-03-08T08:36:00.000-08:00

Queremos dar as grazas dende o blog aos pais e nais que compartiron lecturas con nós. Foi dentro das actividades programadas polo Equipo de Biblioteca dentro do Plan Lector.
Foi unha experiencia moi enriquecedora que os nenos seguiron con ilusión. Outra vez, grazas polo voso tempo e colaboración.

CARNAVAL, CARNAVAL

2010-02-16T02:35:00.000-08:00

DÍA DA PAZ (III)

2010-02-08T10:36:00.000-08:00

data="http://sites.google.com/site/omuseodasideasflash/d%C3%ADadapaz.swf"1200" height="1000">

DÍA DA PAZ (II)

2010-01-30T08:17:00.000-08:00

venres 29.chove.concentración pola paz na ferrería.chove.saímos do cole: os maiores levan cadanseu cativo da man.chove.mil e pico nenos na praza.sopramos todos para mover as nubes.segue o acto.non chove.lénse poemas, proclamas, comunicados: solidaridade con haití.cantamos "irmaus".non chove.iniciamos a marcha polas rúas.a xente párase a mirar.a xente párase a sorrir.non chove.voltamos á praza.sóltanse pombas, ábrense (máis) os ollos dos nenos.entréganse as axudas recollidas nos centros.remata o encontro con aplausos.iniciamos o camiño de regreso ao cole.chove.

DÍA DA PAZ

2010-01-19T03:09:00.000-08:00

O vindeiro día 30 de Xaneiro é o día escolar pola Paz e a Non Violencia, que se ven celebrando dende 1964. Con tal motivo, imos deixar aquí algúns links a sitios con información e recursos sobre o tema:

. Enrédate. Unicef
www.enredate.org/
• Sedupaz. Seminario de Educación para la Paz-APDH.
http://www.pangea.org/org/sedupaz/
• Seminario de Educación para la Paz de las Comarcas de Tarragona
http://www.fut.es/ agr/bienve.htm
• Seminario Galego de Educación para la Paz
http://www.sgep.org/
• Edualter. Iniciativa de coordinación e información sobre Educación para la Paz en Internet
http://www.pangea.org/edualter/
• CIP. Centro de Investigaciones por la Paz. Madrid
http://www.fuhem.es/portal/areas/paz/index.asp
• Amnistía Internacional (AI)
http://www.es.amnesty.org/
• Escuela cultura de Paz
http://escuelaculturadepaz.org/
Dende un dos centros que colaboran co Pland de Mellora de Bibliotecas Escolares de Galicia, ofrécennos tamén os seur recursos
http://www.blogoteca.com/orecantodemik/index.php?cod=77021

FESTIVAL DE NADAL

2010-01-19T03:07:00.000-08:00

As vacacións de Nadal chegaron precedidas do festival, no que os nenos e nenas poñen en xogo os seus talentos artísticos en eidos como a música, teatro, baile, mímica, etc. Pero, sobre todo, vívense momentos
de grande ledicia e diversión.

DECORACIÓN DE NADAL

2010-01-19T03:05:00.000-08:00

Como ven sendo tradición no cole, con motido do Nadal os nenos, por cursos, decoraron a pizarra que ocupa unha parede enteira no patio de recreo. Esta efímera forma de arte serviu de decoración durante estes días. É o noso Nadal de xiz.

VIVA A BANDA!

2009-12-15T04:09:00.001-08:00

Con entusiamo e ilusión acolleron os nenos do noso cole a presenza da Banda de Música da Escola Naval Militar. Agasalláronnos cun programa que mesturaba música popular e panxoliñas, con pezas que foron coreadas polos cativos e desfrutadas por todos os presentes.
Un ano máis, dámoslle as grazas a estes artistas e á Escola Naval pola súa colaboración.

CIENCIA DIVERTIDA

2009-12-12T11:21:00.000-08:00

Un curso máis, recibimos a visita dos nosos amigos do programa "Ciencia Divertida". Algún dos obradoiros que trouxeron desta volta:"Fábrica de aromas" (I5), "Mulleres científicas"(3º), "Efecto invernadoiro" (4º), "Gripe A" (6º).

MÚSICA, MAESTRO

2009-12-09T12:31:00.000-08:00

Velaí algúns dos instrumentos musicais que fixeron os nosos "luthiers" de 5º e 6º (tamén algún de 4º). Empregaron materiais de refugallo e todos producen sons, que son máis ou menos armoniosos dependendo do executante...

CHOVE NA CASA DO POBRE

2009-11-25T10:10:00.000-08:00

... e no noso cole tamén chove. Un inverno máis, as chuvias poñen á nosa disposición unha pequena piscina no patio, cortesía dun tellado que, polo visto ata agora, deber ser moi, moi difícil de arranxar. Os charcos no corredor tamén fan doada a práctica do patinaxe artístico, polo que Dª Loli, a profe de Ed. Física, está de noraboa por partida doble. Cómpre recordar que este blog

escríbese dende unha vila dun país europeo e no ano 2009. Por se acaso...

UN DÍA NAS DUNAS DE CORRUBEDO

2009-11-25T10:00:00.000-08:00

O martes 24 os alumnos de 5º curso foron ata Corrubedo, onde participaron nunha xornada de educación medioambiental. O tempo acompañou e non tiveron que sacar os paraugas.

MAGOSTO

2009-11-23T03:24:00.001-08:00

O venres 13 celebramos o Magosto no colexio. Foi o remate dunha semana adicada ao Outono e sen libros de texto. Houbo música, xogos, risas e, por suposto, castañas.

O foxo do lobo

2009-11-06T16:05:00.001-08:00

On Friday 30th October, we went on a school excursion with the class of level 6. We arrived at a village where a guide taught us about a cross and a mill and an excavation. Later we went on a walk in the forest. Then we had lunch and we returned to the forest to visit the house of the wolf. For us it was a nice day but for Patricia a little bit less because her camera fell in the river.

Víctor, Fran, Mario, Michael y Rodrigo

El viernes 30 de octubre, fuimos a una excursión del colegio con la clase de sexto. Llegamos a un pueblo donde un guía nos enseñó un crucero, un molino y una excavación. Luego hicimos una ruta por el bosque. Más tarde comimos y volvimos al bosque otra vez para visitar el ‘foxo do lobo’. Para nosotros fue un dia divertido pero para Patricia un poco menos por que se le cayó la cámara al río.

Estreámonos co SAMAÍN.

2009-10-27T08:39:00.000-07:00

Somos os toliños de educación infantil da nosa escola. Sempre andamos a enredar. Agora est amos a enredar coas cabazas. As familias colaboran enchendo a exposición con cabazas decoradas con elementos e personaxes das cidades: semáforos, rúas, coches, rañaceos, bombeiros, carteiros,etc.

O tema deste ano enlaza co proposto para o Salón do Libro: As cidades.

Velaí as obras de arte. Xulgade vós mesmos. Gracias a todos os papás e as mamás.

2009-10-21T01:39:00.000-07:00

Hola, son Lorena e este e o meu colagge.Fixeno na clase de Plástica e quere representar comer san e a facer exercicio.

2009-10-21T01:21:00.000-07:00

Hola,soy Elisa y soy la que aparece en la foto.

Lo que tengo en mi mano es un dibujo con recortes en el que represento unas muñecas con diferentes estilos de caras y de ropa.Lo hicimos en la clase de Plástica.Mi obra se llama "¿Y por que no?" y representa que la gente puede ir como le de la gana sin que nadie se ria de él porque nuestra ropa representa mucho de lo que somos.

2009-10-15T00:25:00.000-07:00